काठमाडौं ।। नेपालका शिक्षकहरुले आफ्नो अधिकार र मागका लागि फेरी सडकमा प्रदर्शन गरेका छन् । नेपाल शिक्षक महासंघको नेतृत्वमा शिक्षकहरूले माइतीघरदेखि नयाँ बानेश्वरसम्म र्याली निकालेर सरकारविरुद्ध नाराबाजी गरेका छन् ।
शिक्षकहरुको मुख्य माग
नेपाल शिक्षक महासंघले २०८० (२०२३) मा भएका सम्झौता कार्यान्वयन गर्न र शिक्षा ऐन जारी गर्न सरकारलाई दबाब दिने उद्देश्यले यो प्रदर्शन गरेको जनाएको छ । महासंघले निम्न माग राखेको छ ।
शिक्षा ऐन यथाशीघ्र कार्यान्वयन गर्नुपर्छ ।
पेन्सनसम्बन्धी हालै पारित भएको अध्यादेश खारेज गर्नुपर्छ।
सरकारले गरेका सबै पुराना सम्झौता तत्काल लागू गर्नुपर्छ ।
आन्दोलनको तीव्रता बढ्न सक्छ
यस विषयमा शिक्षक महासंघले चरणबद्ध आन्दोलनको घोषणा गरिसकेको छ । उनीहरुको मागलाई सरकारले गम्भीरतापूर्वक लिएन भने आन्दोलन चर्किने छ ।
शिक्षकहरूले माइतीघर मण्डलबाट जुलुस निकालेर बानेश्वरसम्म र्याली गरेका थिए । उनीहरुले शिक्षा प्रणालीमा सुधार गरी शिक्षकले आफ्नो हकअधिकार पाउनका लागि आफ्ना जायज माग यथाशीघ्र पूरा गर्न सरकारसँग आग्रह गरेका छन् ।
